საქართველომ საერთაშორისო რეიტინგში - „Paying Taxes 2011", გადასახადების გადახდის სიმარტივის მიხედვით, გასული წელთან შედარებით მდგომარეობა 3 პოზიციით გაიუმჯობესა და 183 ქვეყანას შორის 61-ე ადგილი დაიკავა.
2010 წლის ანალოგიურ მოხსენებაში გადასახადების გადახდის სიმარტივის რეიტინგში საქართველო 64-ე პოზიციაზე იმყოფებოდა. 2011 წლის რეიტინგში კი პირველი ადგილი მალდივებს, ხოლო უკანასკნელი ბელარუსიას უკავია.
ამასთან, საქართველო შეყვანილია იმ 10 ქვეყნის სიაში, სადაც გადასახადების მთლიანი მაჩვენებელი ყველაზე დაბალია. აღმოსავლეთ ევროპისა და ცენტრალური აზიის ქვეყნებში ამ მხრივ საქართველოს მე-2 ადგილი უკავია.რეიტინგი „გადასახადების გადახდა 2011" მსოფლიო ბანკისა და „საერთაშორისო საფინანსო კორპორაციის" (IFC) კომპანია „PricewaterhouseCoopers "-თან (PWC) თანამშრომლობით მომზადდა. „გადასახადების გადახდა 2011" რიგით მეხუთე გამოცემაა. კვლევა დაფუძნებულია მონაცემებზე, რომლებიც შეგროვდა „Doing Business"-ის პროექტთან ერთად.
მოხსენებაში გამოკვლეულია მსოფლიოს 183 ქვეყნის მონაცემები. გადასახადები მოიცავს: მოგების ან კორპორატიულ საშემოსავლო გადასახადებს; სოციალურ შენატანებსა და დამქირავებლის მიერ გადახდილ დაქირავების გადასახადებს; საკუთრების გადასახადს; საკუთრების ტრანსფერის გადასახადს; დივიდენდებს; მოგების გადასახადს; ფინანსური ტრანზაქციების გადასახადს; გზათ სარგებლობის გადასახადსა და სხვა.
No comments:
Post a Comment