| იანვრის ინფლაციამ 7-წლიანი რეკორდი დაამყარა |
 2011 წლის იანვარში 2010 წლის იანვართან შედარებით ინფლაციის დონემ საქართველოში 12.3 პროცენტი შეადგინა, რაც 2004 წლის შემდეგ, აღნიშნული თვის მაქსიმალური მაჩვენებელია. მონაცემს სტატისტიკის ეროვნული სამსახური აქვეყნებს. უწყების ინფორმაციით, 12-თვიან პერიოდში აღნიშნული მაჩვენებლის ფორმირებაში ძირითადი გავლენა იქონია ფასების მატებამ შემდეგ ჯგუფებზე: სურსათი და უალკოჰოლო სასმელები: მოცემულ პერიოდში ფასები გაიზარდა 25.2 პროცენტით. აღნიშნული მაჩვენებელი კი ძირითადად განაპირობა ფასების მატებამ ბოსტნეულსა და ბაღჩეულზე - 50.8 პროცენტით, ხილსა და ყურძენზე – 38.3 პროცენტით, ზეთსა და ცხიმზე – 35.5 პროცენტით, პურის და პურპროდუქტების ჯგუფზე - 20 პროცენტით, შაქარსა და საკონდიტრო ნაწარმზე - 16.6 პროცენტით. ტრანსპორტის წილმა 0.7 პროცენტი შეადგინა, 12 თვის განმავლობაში ფასების მნიშვნელოვანი ზრდა დაფიქსირდა დიზელის საწვავზე - 20.5 პროცენტი, და ბენზინზე - 13.7 პროცენტი. ფასების 7%-იანი შემცირება დაფიქსირდა კავშირგაბმულობის ჯგუფზე. commersant.ge |
No comments:
Post a Comment